مەودا میدیا-

مسته‌فا كازمی، سه‌رۆك وه‌زیرانی نوێی عیراق به‌ ده‌ركردنی چه‌ند فه‌رمانێكی دیوانی ژماره‌یه‌ك وه‌زیری حكومه‌ته‌كه‌ی بۆ پڕكردنه‌وه‌ی پۆسته‌ وه‌زارییه‌ به‌تاڵه‌كان راسپارد.

ئەمڕۆ مستەفا کازمی لە بڕیارێکدا، هه‌ریه‌ك له‌ وه‌زیری خوێندنی باڵا بۆ راپه‌ڕاندنی ئه‌ركی وه‌زاره‌تی داد، وه‌زیری دارایی بۆ راپه‌ڕاندنی ئه‌ركی وه‌زاره‌تی نه‌وت، وه‌زیری وه‌رزش و لاوان بۆ راپه‌ڕاندنی ئه‌ركی وه‌زیری رۆشنبیری، وه‌زیری په‌روه‌رده‌ بۆ راپه‌ڕاندنی ئه‌ركی وه‌زاره‌تی بازرگانی و وه‌زیری گواستنه‌وه‌ی بۆ راپه‌ڕاندنی ئه‌ركی وه‌زاره‌تی كۆچ و كۆچبه‌رانی راسپارد.

جێگای ئاماژەیە،‌ تا ئێستا به‌هۆی ناكۆكی لایه‌نه‌ سیاسییه‌كانی عیراق له‌سه‌ر كاندیدانی وه‌زاری، نه‌توانراوه‌ كه‌سی یه‌كه‌می ئه‌و وه‌زاره‌تانه‌ یه‌كلایی بكرێنه‌وه‌‌.