مەودا میدیا-

دوای بڵاوبوونەوەی ئاڵای هاوڕەگەزبازی لە عیراق، بەپێی هەندێ وێنە كە بڵاوكراونەتەوە ئەو ئاڵایە لەسەر كتێبی وانەی ئایینی پۆلی شەشی بنەڕەتی دانراوە و داوای لێكۆڵینەوە دەكرێت.

ماوەی دوو رۆژە بڵاوبوونەوەی ئاڵای هاوڕەگەزبازی لە عیراق، مشتومڕو هەڵایەكی لە ناوخۆی عیراق دروستكردووە و لە نوێترین زانیاریش كە بڵاوكراونەتەوە، ئەو ئاڵایە هاوشەی ئەو وێنەیە كە لەسەر وانەی ئایینی پۆلی شەش هەیە.

فراكسیۆنی دەوڵەتی یاسا كە نوری مالیكی سەرۆكایەتی دەكات داوای كردووە لە وەزیری پەروەردەی حكومەتی عیراق، هەرچی زووە لێكۆڵینەوەكانیان دەستپێ بكەن لەسەر دانانی ئاڵای هاوڕەگەزبازی لەسەر كتێبی قورئانی پۆلی شەشی سەرەتایی.