مەودا میدیا-

شەوی رابردوو لە گوندی تەلنەقاری سەر بە ناحییەی جەبارەی پارێزگای دياله، دوو كورد لە كاتی ئیشكردن رفێنراون و چارەنوسیان دیار نییە.

بەپێی زانیارییەكان كە بە مەودا میدیا دراون، شەوی رابردوو لە یەكێك لە گوندەكانی سەر بە ناحییەی جەبارە، دوو هاوڵاتی كورد لە كاتی ئیشكردن رفێنراون.

ئەو هاوڵاتیە كوردانە لە كاتی دروێنەكردنی گەنمەكانیان رفێنراون و تائێستاش چارەنوسیان دیار نییە.

شەوی رابردووتر دوو گەنجی تری كورد لە كاتی دەوامی خۆیان لەسنوری كەركوك لە لایەن چەند كەسێكی نەناسراو رفێنراون و تائێستا چارەنوسیان نادیارە.