مەودا میدیا-

بەرەبەیانی ئەمڕۆ پێنجشەممە، له‌ئه‌نجامی رووداوێكی هاتووچۆ دوو كه‌س گیانیانله‌ده‌ستدا و كه‌سێكیش برینداربوو.

جوتیار محەمەد، كەسێكی ئاگادار لە رووداوەكە بە مەودا میدیای راگەیاند "ئۆتۆمبێلێكی بارهه‌ڵگر مریشكی باركردووه، له‌به‌رده‌م به‌ڕێوه‌به‌رایەتی هاتوچۆی قه‌زای دوكان خۆی كێشاوە به‌ستونێكی كاره‌بادا و وه‌رگه‌ڕاوه".

بەپێی زانیارییە بڵاوكراوەكان رووداوەكە كاتژمێر سێی بەرەبەیانی ئەمڕۆ پێنج شەممە بووە و ئۆتۆمبێله‌كه‌ سێ سه‌رنشینی تێدابووە، دووانیان گیانیانله‌ده‌ستداوه‌ و یه‌كێكیش برینداربووه‌.

سەرەڕای زیانییە گیانییەكان، زیانیش به‌ر ستونێكی كاره‌با و ماڵێكی نزیك رووداوه‌كه‌ش كه‌وتووە‌.