مەودا میدیا-

یەكگرتووی ئیسلامی كوردستان لە بارەی قەدەغەی هاتووچۆی نێوان پارێزگاكان دەڵێت، ئەو بڕیارە بۆ رێگریكردنە لە خۆپیشاندان و دەشڵێت، توڕەیی و ناڕەزایەتی هاوڵاتیان سنوری تێپەڕاندووە.

هادی عەلی، سەرۆكی ئەنجومەنی جێبەجێكردنی یەكگرتووی ئیسلامی كوردستان دەڵێت "ئەو بڕیارەی دراوە بۆ قەدەغەی هاتووچۆی نێوان پارێزگاكان، بۆ رێگریكردنە لە خۆپیشاندان و گواستنەوەی، نەك بۆ رێگریكردن لە ڤایرۆسی كۆرۆنا".

باسی لەوەشكردووە "نیگەرانی و ناڕەزایەتی هاوڵاتیان هەموو سنورێكی تێپەڕاندووە".

بەپێی ئەو قسانەی ئەو بەرپرسەی یەكگرتوو، حزبەكەی لەگەڵ خۆپیشاندانی هاوڵاتیانە و پشتیوانی و پشتگیری خۆپیشاندەران دەكات لەو دۆخەی ئێستا.