مەودا میدیا-

وه‌زیری ته‌ندروستی حكومه‌تی هه‌رێمی كوردستان رایدەگەیەنێێت به‌هۆی ئه‌وه‌ی ژیان ئاسایی بووه‌ته‌وه‌ و به‌شێك له‌ هاووڵاتیان ره‌چاوی رێنماییه‌كانی خۆپارێزی ناكه‌ن ئاماژەی بەوەشکرد مه‌ترسی بڵاوبوونه‌وه‌ی كۆرۆنا زیاتر بووه‌.

سامان به‌رزنجی، وه‌زیری ته‌ندروستی حكومه‌تی هه‌رێمی كوردستان لەکاتی پێشوازیکردنی  له‌ شاندێكی ئیمارات و وه‌رگرتنی بڕی 7 ته‌ن پێداویستی پزیشكی و هاوكاری ته‌ندروستی حكومه‌تی ئیمارات بە رۆژنامەنوسانی راگەیاند "به‌هۆی ئه‌وه‌ی ژیان ئاسایی بووه‌ته‌وه‌ و به‌شێك له‌ هاووڵاتیان ره‌چاوی رێنماییه‌كانی خۆپارێزی ناكه‌ن".

 وه‌زیری ته‌ندروستی حكومه‌تی هه‌رێمی كوردستان ئاماژەی بەوەشکرد "بە به‌راورد به‌ مانگی ئازار و نیسانی رابردوو، بڵاوبوونه‌وه‌ و ته‌شه‌نه‌كردنی كۆرۆنا زیاتر بووه‌".

جێگای ئاماژەیە، ئه‌مڕۆ حكومه‌تی ئیمارات بڕی 7 ته‌ن پێداویستی و كه‌رسته‌ی خۆپارێزی و پزیشكی تایبه‌ت به‌ كۆرۆنای وه‌ك هاوكاری گه‌لی ئیمارات بۆ هه‌رێمی كوردستان له‌ رێی فڕۆكه‌خانه‌ی نێوده‌وڵه‌تی هه‌ولێره‌وه‌ گه‌یانده‌ شاری هەولێر.