مەودا میدیا- سازگار ئەحمەد

جوتیارانی هەرێمی کوردستان بەرهەمەکانیان پێگەیشتووە، بەڵام بازاڕێکی گونجاو نییە بۆ ساغکردنەوەی بەرهەمەکانیان و بەهۆی داخستنی دەروازە سنوورییەکانیشەوە ناتوانن بەرهەمەکانیان هەناردە بکەن بۆ دەرەوەوە و باشووری عیراق، ئەمەش وایکردووە زیان بە جوتیاران بگات.

شوان کەریم، جێگری سەرۆکی لیژنەی کشتوکاڵ و ئاودێری لە پەرلەمانی کوردستان بە مەودا میدیای راگەیاند "ئێمە داوامان لە وەزارەتی کشتوکاڵ کردووە چارەسەری کێشەی ئەو جوتیارانە بکات، چونکە بەهۆی داخستنی سنوورەکانەوە جوتیاران ناتوانن بەرهەمەکانیان هەناردەی دەرەوە بکەن".

ئاماژەی بەوەشکرد "پێشنیازمان کردووە کۆگای گەورە بۆ هەڵگرتنی بەرهەمەکانیان لەناو ساردکەروەدا دروسبکرێت، بەڵام وەزارەتی کشتوکاڵ دەڵێت ئێمە تاوانی داراییمان نییە لە ئێستادا بۆ دروستکردنی ئەو کۆگایانە".