مەودا میدیا- سازگار ئەحمەد

شەوی رابردوو وەزارەتی ناوخۆی حکومەتی هەرێمی کوردستان بڕیاری شەش رۆژ قەدەغەی هاتووچۆی دەرکرد لەسەرجەم شارەکانی هەرێمی کوردستان بەمەبەستی رێگریکردن لەبڵاوبوونەوەی ڤایرۆسی کۆرۆنا، هاوکات ئەمڕۆ لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا کۆدەبێتەوە بەمەبەستی دانانی رێکاری نوێی قەدەغەی هاتووچۆ.

د.هەڤاڵ ئەبوبەکر، پارێزگاری سلێمانی بە مەودا میدیای راگەیاند "ئەمڕۆ کاتژمێر 11:00ی پێشنیوەڕۆ لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا کۆدەبێتەوە و هەر بڕیارێکی نوێ بدەین بە فەرمی رایدەگەیەنین".

هاوکات لەشکر حامید، سەرۆکی لیژنەکانی قائیمقامیەتی سلێمانی بە مەودا میدیای راگەیاند "ئێمە چاوەڕێی کۆبوونەوەی پارێزگای سلێمانی دەکەین، ئەوان چ بڕیارێک بدەن ئێمە جێبەجێێ دەکەین".