مەودا میدیا-

بەمەبەستی جێبەجێكردنی قەدەغەی هاتووچۆ لە سنوری پارێزگای سلێمانی و تەواوی قەزاو ناحییەكان، دەست بە دانانی بەربەستی كۆنكرێت لە شەقام و كۆڵانەكان كرا.

سەرەتا لە ناو شاری سلێمانی بەربەستی كۆنكرێت لە ناو شەقامەكان دانراوە بۆ رێگریكردن لە قەدەغەی هاتووچۆ و بۆ ئەو مەبەستە بەشی زۆری شەقامەكان بەربەستكراون و تا كاتژمێر شەشی ئێوارە بە تەواوی شەقامەكان دەگیرێن.

هەروەها لە قەزاو ناوچەكانی تری سنوری پارێزگای سلێمانی دەستكراوە بە دانانی بەربەستی كۆنكرێت، ئەوەش دوای ئەو بڕیارە دێت كە درەنگانی شەوی رابردوو وەزارەتی ناوخۆ بڕیاری نوێی دەركرد، هاوكات ئەمڕۆش پارێزگای سلێمانی چەندین بڕیاری نوێی دەركرد.