مەودا میدیا-

وتەبێژی بەنزینخانەكانی سلێمانی رایدەگەیەنێت، هیچ بڕیارێك نییە بۆ بەرزبوونەوە و گرانكردنی نرخی بەنزین و دەڵێت نرخەكە بەو شێوەیەی ئێستا دەمێنێتەوە.

بەهمەن قادر، وتەبێژی بەنزینخانەكانی سلێمانی بە مەودا میدیای راگەیاند "كۆتا بڕیار كە لەسەر بەنزین دراوە نرخەكەی كەمكراوەتەوە و ئێستا یەك لیتر بەنزین لە بەنزینخانەكانی سلێمانی بۆ جۆری نۆرماڵ بە 425 دینارەو لە بەنزینخانەكانی دەرەوەش كەمترە لەو نرخە".

ئەوەشی خستەڕوو "هەرچەندە نرخی نەوت لە بۆرسەی جیهانی بەرزبووەتەوە، بەڵام هیچ بڕیارێك نییە بۆ گرانكردنی نرخی بەنزین و بەو شێوەیەی ئێستا دەمێنێتەوە".

وتیشی "شۆفێران دڵنیا دەكەینەوە كە كوالێتی و ئۆكتانی بەنزین بە هەر سێ جۆرەكانەوە زۆر باشەو هیچ كێشەی نییە".