مەودا میدیا-

وەزیری وزەی ئێران گرێبەستێكی دوو ساڵەی لەگەڵ حكومەتی عیراق واژۆ كرد بۆ هەناردەكردنی كارەباو پێدانی بە شارەكانی عیراق.

رەزا ئەردەکانیان، وەزیری وزەی ئێران رایگەیاند " هەموو گرێبەستەکانی هەناردە کردنی کارەبا بۆ عیراق پێشتر یەکساڵە بووە، بەڵام لە دوای ئەو سەفەرەدا كە رۆژی رابردوو ئەنجاممدا بۆ عیراق، گرێبەستی دوو ساڵەی هەناردە کردنی کارەبا بۆ ساڵانی 2020و 2021لەگەڵ وەزارەتی کارەبای عیراق واژۆ کرا".

لە ئەو سەفەرەدا وەزیری وزەی ئێران لەگەڵ عەلی عەبدول ئەمیر عەلاوی وەزیری دارایی و بەرهەم ساڵح سەرۆک کۆماری عیراق و موستەفا کازمی سەرۆک وەزیرانی عیراق و سەرۆکی بانکی ناوەندی و بانگی بازرگانی و ماجد مەهدی حنتوش هاوتا عیراقییەکەی دیدار و گفتوگۆی کرد.