مەودا میدیا-

فراکسیۆنی گۆڕان لە پەرلەمانی کوردستان داوا دەکات بابەتی دواکەوتنی مووچە و چۆنیەتی چارەسەرکردنی بکرێتە بەرنامەی کاری دانیشتینی پەرلەمان، هەروەها دوا دەکات سەرۆک و جێگری سەرۆکی حکومەتی هەرێمی کوردستان و وەزیری دارایی و ئابووری هەرێم بانگهێشتی پەرلەمان بکرێن.

ئەمڕۆ فراکسیۆنی گۆڕان لە پەرلەمانی کوردستان نوسراوێکیان ئاراستەی سەرۆکایەتی پەرلەمان کرد کە سەرجەم پەرلەمانتارانی گۆڕان واژوویان کردووە داوا دەکەن بابەتی دواکەوتنی مووچە و چۆنیەتی چارەسەرکردنی بکرێتە بەرنامەی کاری دانیشتینی پەرلەمان.

هەروەها، داوایانکردووە مەسرور بارزانی، سەرۆکی حکومەتی هەرێم و قوباد تاڵەبانی، جێگری سەرۆکی هەرێم و ئاوات جەناب، وەزیری دارایی و ئابووری بانگهێشتی پەرلەمانی کوردستان بکرێن.