مەودا میدیا-

بەڕێوەبەری گشتی تەندروستی پارێزگای سلێمانی رایدەگەیەنێت، لە ماوەی پێنج رۆژی رابردوو 50 تووشبووی كۆرۆنا لە شارەكە چاكبوونەتەوە و گەڕاونەتە ماڵەوە.

سەباح هەورامی، بەڕێوەبەری گشتی تەندروستی سلێمانی لە پەیجی تایبەتی خۆی لە تۆڕی كۆمەڵایەتی فەیسبوك نوسیویەتی "زۆر لە فانە خۆشەویستەکان دەپرسن بۆچی ژمارەی چاکبوونەوە بڵاوناکەنەوە، بمان بەخشن بەهۆی سەرقاڵیمان بە تەندروستی تووشبوانەوە کە بەداخەوە بارودۆخی بەشێکیان ناجێگیرە نەمان توانییەوە ژمارەی چاكبوونەوەكان رابگەیەنین".

دەشڵێت " لەماوەی پێنج رۆژی رابردودا نزیکەی پەنجا تووشبوو چاکبوونەتەوە".