مەودا میدیا-

ئەمڕۆ پێنجشەممە، جارێكی تر نرخی نەوت لە بازاڕی بۆرسە دابەزینی تۆماركرد و ماوەی دوو رۆژە بەردەوامە لە دابەزین.

ئەمڕۆ پێنجشەممە، نرخی یەك بەرمیل نەوتی جۆری برێنت بۆ 40 دۆلار و 25 سەنت دابەزیووە و نەوتی خاویش بۆ 38 دۆلار و 10 سەنت دابەزیووە.

ئەو دابەزینە لە كاتێكدایە پێش چەند رۆژێك نەوتی برێنت بۆ سەرو 42 دۆلار بەرزبووەوە.

دابەزینی نرخی نەوت كاریگەری راستەوخۆی دەبێت لەسەر داهاتی هەرێمی كوردستان و عیراق بەهۆی ئەوەی بۆ دابەشكردنی مووچە پشت بە داهاتی نەوت دەبەستن بە تایبەت هەرێمی كوردستان.