مەودا میدیا-

لە شاری سلێمانی بۆ ئیدانەكردنی شەهیدكردنی فەرماندەیەكی پارتی كرێكارانی كوردستان و داگیركارییەكانی توركیا لەباشوری كوردستان، ئێوارەی ئەمڕۆ خۆپیشاندانێك بەڕێوەدەچێت.

یەكێك لە رێكخەرانی خۆپیشاندانەكە بە مەودا میدیای راگەیاند: "خۆپیشاندانەكە بۆ ئیدانەكردنی شەهیدكردنی قاسم ئەنگین ئەندامی كۆمیتەی ناوەندیی پەكەكەیە، كە لە 27ی ئایاری ٢٠٢٠دا لە برادۆست بەهۆی بۆردومانی ئاسمانیی فڕۆكەكانی توركیاوە شەهید بوو."

وتیشی:" چالاكییەكە بە پێشەنگایەتیی گەنجانی وڵاتپارێزی كوردستان و ژنانی گەنجی تێكۆشەر كاتژمێر 7 ی ئێوارەی ئەمڕۆ لەبەردەم باخی گشتی بۆ سەهۆڵەكەی سلێمانی بەڕێوەدەچێت و هێرش و داگیركەرییەكانی  توركیا بۆ سەر باشووری كوردستان ئیدانە دەكرێن."