مەودا میدیا-

وەزیری ئاوەدانکردنەوە و نیشتەجێکردنی حکومەتی هەرێمی کوردستان رایدەگەیەنێت پڕۆژه‌یان هه‌یه‌ كه‌ چه‌ند تونێلێک له‌ هه‌رێمی كوردستان دروست بكه‌ن ئاماژە بەوەشدەکاتت دوو تونێل له هەردوو قەزای‌ ده‌ربه‌ندیخان و پێنجوێن لەبەردەستدان.

دانا عه‌بدولكه‌ریم، وەزیری ئاوەدانکردنەوە و نیشتەجێکردنی حکومەتی هەرێمی کوردستان  له‌ لێدوانێكدا بۆ فه‌رمانگه‌ی میدیا و زانیاری سەر بە حکومەتی هەرێمی کوردستان رایگه‌یاند "پڕۆژه‌یان هه‌یه‌ كه‌ چه‌ندین تونێلێک له‌ هه‌رێمی كوردستان دروست بكه‌ن".

ئاماژەی بەوەشکردووە "تونێلێك له‌ ده‌ربه‌ندیخان و تونێلێك له‌ پێنجوێن له‌به‌ر ده‌ستدایه‌ و تونێلێكی دیكه‌ش له‌ چیای مه‌تین جێبه‌جێ ده‌كرێت".

وه‌زیری ئاوه‌دانكردنه‌وه‌ و نیشته‌جێكردن وتی "خۆشبه‌ختانه‌ ئه‌مساڵ توانرا پڕۆژه‌ی تونێلی پیرمام به‌ڕووی هاوڵاتییایندا بكرێته‌وه‌ و پڕۆژه‌ی تونێلی شه‌قڵاوه‌ و هەریر كاركردن تیایدا به‌رده‌وامه‌ و لەداهاتوویەکی نزیکدا تەواوی دەکەین".