مەودا میدیا-

سەرپەرشتیاری تیمی ناشتنی مردووانی كۆرۆنا لە سلێمانی رایدەگەیەنێت، ئەوانەی كە پێشتر بەهۆی كۆرۆناوە مردوون بەڕێگەی شەرعی و دڵسۆزانە بە خاك سپێردراون.

عەبدوڵا ئەحمەد، سەرپەرشتیاری تیمی ناشتنی مردووانی كۆرۆنا لە سلێمانی رایگەیاند "زۆر بەشێوەیەكی دڵسۆزانەو دڵنیایی دەدەینە كەسوكاری مردووانی كۆرۆنا كە بە رێگەی شەرعی بە خاكسپێردروان و ئەوانە بە ئازیزانی خۆمان دەزانین".

باسی لەوەشكردووە "رێژەی مردن بە كۆرۆنا زیادی كردووەو لە ئێستادا زیاتر پێویستمان بۆ تاكپارێزی هەیە".