مەودا میدیا-

سبەی یەكشەممە، كۆتایی بەو ماوەیە دێت كە لە شارەكانی عیراق بۆ قەدەغەی هاتووچۆ راگەیەندراوەو بەڕێوەبەرایەتی گشتی هاتووچۆی عیراقیش داوای سیستمی تاك و جووتی كردووە بۆ هاتووچۆی ئۆتۆمبێلەكان.

لە ماوەی رابردوودا لیژنەی بەرەنگاربوونەوەی كۆرۆنا لە عیراق بڕیاریدا قەدەغەی هاتووچۆ بە رۆژدا تا 14ی مانگ بەردەوامی هەبێت لە نێوان شارەكان، بەڵام سبەی یەكشەممە كۆتایی بەو وادەیە دێت و تائێستا بڕیاری نوێ نییە لە بارەی قەدەغەی هاتووچۆ.

بەهۆی زۆری حاڵەتەكانی تووشبوون بە نەخۆشی كۆرۆنا لە عیراق كە رۆژانە سەرو هەزار كەس تووش دەبن، ئەگەر هەیە ئەكە قەدەغەی هاتووچۆ 24ی كاتژمێری رابگەیەندرێت بۆ ماوەی هەفتەیەك، بەڵام ئەوە ئەگەرێكی لاوازە و بەڕێوەبەرایەتی گشتی هاتووچۆی عیراق داوای كردووە سیستمی تاك و جووت بۆ ئۆتۆمبێل بەبێ تاكسی، بەڵام بڕیارەكە نەبوەتە كۆتایی.