مەودا میدیا-

بەپێی ئەو زانیارییانەی كە بڵاوكراونەتەوە، سوپای پاسدارانی ئێران هێزو چەكی قورسی بەرەو شارەكانی رۆژهەڵاتی كوردستان جوڵاندووە.

میدیا كوردییەكانی ئێران بڵاویانكردووەتەوە "رۆژی هەینی، سوپای پاسدارانی ئێران هێزێك كە پڕچەك و جبە خانە بووە، بەرەو شارەكانی رۆژهەڵاتی كوردستان جوڵێنراوە".

باسیان لەوەشكردووە "ئەو هێزە بەرەو شارەكانی شنۆ و بانە جوڵێنراوە و بڕیاریشە لە چەند شارێك سەربازگەو پایەگای نوێ دروست بكرێت و بڕیارەكەش لە لایەن سوپای پاسدارانی ئێران دەرچووە".

بە وتەی میدیاكان، جوڵاندنی هێز بۆ سنوری شارەكانی رۆژهەڵات ترسی لای هاوڵاتیانی ناوچەكە دروستكردووە.

مەودا میدیای پەیوەندی كرد بە ئەندامی یەكێك لە حزبە كوردییەكانی رۆژهەڵاتی كوردستان پشت ڕاستی هەواڵەكەی كردەوە و وتی "بەڵێ، سوپای پاسدارانی ئێران هێزی بەرەو ئەو دوو شارەی رۆژهەڵات جوڵاندووە".