مەودا میدیا-

پارێزگاری هەولێر رایگەیاند، لە هەموو شوێنێكی هەولێر ڤایرۆسی كۆرۆنا بڵاوبووەتەوە و دۆخەكە ئێجگار مەترسیدارە، ژوری ئۆپەراسیۆنەكانی پارێزگای هەولێريش بڕیاریدا دەوامی فەرمانبەران لە تەواوی فەرمانگەكان رابگرێت.

فرسەت سۆفی، پارێزگای هەولێر لە كۆنگرەیەكی رۆژنامەنوسیدا رایگەیاند "لە هەموو شوێنێكی هەولێر كۆرۆنا بڵاوبووەتەوە و دۆخەكە بەتەواوی مەترسیدارە".

ئاماژەی بەوەشكرد "بۆ رێگریكردن لە بڵاوبوونەوەی كۆرۆنا، بڕیاری قەدەغەی هاتووچۆ دراوە".

لە لایەكی ترەوە ژوری ئۆپەراسیۆنەكانی پارێزگای هەولێر بڕیاریدا دەوامی فەرمانبەران لە تەواوی فەرمانگەكان تا 3ی تەمموز رابگرێت.