مەودا میدیا- سازگار ئەحمەد

سەرۆکی تیمی پشکنینی کۆرۆنا لە سۆران رایدەگەیەنێت لە ناحیەی سیدەکانی سەر بە قەزای سۆران 350 پشکنینی ڤایرۆسی کۆرۆنا ئەنجام دراوە ئاماژەی بەوەشکرد تەنیا  پشکینی 4 کەس پۆزەتیڤ بووە.

جەواد مەهدی، سەرۆکی تیمی پشکنینی کۆرۆنا لە سۆران بە مەودا میدیای راگەیاند "لە ناحیەی سیدەکانی سەر بە قەزای سۆران 350 پشکنینی ڤایرۆسی کۆرۆنا بۆ هاوڵاتییانی ناحیەکە ئەنجام دراوە".

لە بارەی دەرئەنجامی پشکنینەکان ئاماژەی بەوەکرد "لە کۆی ئەو 350 پشکنینە تەنیا پشکینی 4 کەس پۆزەتیڤ بووە، کە پیاوێک و ژنێک و دوو منداڵن".

سەرۆکی تیمی پشکنینی کۆرۆنا لە سۆران ئەوەشی ئاشکرا کرد "تەنیا ئەو 4 حاڵەتی تووشبوون بە ڤایرۆسی کۆرۆنا لە ناحیەی سیدەکان هەیە".