مه‌ودا میدیا-

چالاكوانێكی خۆپیشاندانه‌كان له‌ به‌غدا له‌كاتی گه‌ڕانه‌وه‌ی بۆ ماڵه‌وه‌ ده‌ستڕێژی گولله‌ی لێكراو كوژرا.

به‌پێی هه‌واڵێكی سۆمه‌رییه‌ نیوز ئێواره‌ی ئه‌مڕۆ دوای گه‌ڕانه‌وه‌ی له‌ گۆڕه‌پانی ته‌حریره‌وه‌ بۆ ماڵه‌وه‌، ژماره‌یه‌ك چه‌كداری نه‌ناسراو ده‌ستڕێژی گولله‌یان له‌ چالاكوانێكی خۆپیشاندانه‌كان كردووه‌و به‌هۆیه‌وه‌ گیانی له‌ده‌ستداوه‌.

له‌دوای خۆپیشاندانه‌كانی به‌غدا و شاره‌كانی تری خوارووی عیراق تا ئێستا ژماره‌یه‌ك له‌ چالاكانی خۆپیشاندانه‌كان له‌لایه‌ن چه‌كدارانی نه‌ناسراو كوژراون یان رفێنراون.