مەودا میدیا-

دکتۆرە گەشین کەمال، پزیشکی پسپۆڕی جوانکاری و نەخۆشییەکانی پێست لە بابەتێکیدا باس لەوەدەکات چرچبوونی پێست دۆخێکی سروشتییە بۆ پێست بە پێی گەورەبوونی تەمەنەوە، چەند تەمەنمان گەورەتربێت چرچی دەم و چاومان و پێستمان زیاتر دەبێت.

ئەوەشی خستووەتەڕوو "بۆ چرچبوونی پێست چەند نیشانەیەک دەردەکەوێت وەک ھێڵی ورد لە چواردەوری چاوو دەم و لوت و ناوچەوان و مل، لەگەڵ خاوبونەوەی پێستی دەست، بەڵام ئەم نیشانانە جێگای بێ ئومێدی نییە چونکە بەم رێگانە دەتوانین رێگری بکەین لە زوو چرچبوونی پێست و خۆپارێزی لە پیربوونی پێشوەختە".

ئەم رێکارانە گرنگن بۆ چرچ نەبوونی پێستمان:

1- خوادنەوەی ئاوی زۆر رۆژانە پێست تازە دەکاتەوەو شێداری دەکات.

2- دورکەوتنەوە لەو جوانکارییانەی کە بۆ میکیاج بەکاردەھێنرێت، تایبەت ئەو جۆرانەی کحولیان تێدایە.

3- بەکارھێنانی کرێمی پاراستنی پێست، تایبەت ئەو جۆرانەی کە رۆنی سروشتییان تێدایە.

4- لەچاوکردنی چاویلکەی بەرخۆر لەکاتی روبەڕوبونەوە لەگەڵ تیشکی خۆردا.

5- بەکارھێنانی نەرمکەرەوە بۆ پێست تایبەت دوایخۆشتن و دەم وچاوشتن و دەست شتن.

6- بەکارھێنانی دژەخۆر لە کاتی چونەدەرەوە لە ماڵەوە.

ئەم خوادنانە بەسودن بۆ رێگریکردن لە چرچ بوونی پێست:

1- بیبەری سور

2- ئاوی میوەی پرتەقاڵ

3- گوێز.

4- بادام

5- سەوزە

6- ماسی چەور

7- میوە ترشەکان

8- پاقلەمەنییەکان

ھۆکارەکانی چرچ بوونی پێست:

1- پیسبوونی ژینگە

2- بەرکەوتنی زۆری پێست بە تیشکی خۆر

3- کەمی ڤیتامین د

4- بەکارھێنانی میکیاج بە شێوەی بەردەوام

5- گۆڕینی کەرەستەکانی جوانکاری و میکیاج بە شێوەی بەردەوام

6- جگەرەکێشان.

ئاماژەی بەوەشکردووە "ھەر کەسێکیش کە پێستی توشی چرچ بوون بۆتەوە، دەتوانێت سەردانی پزیشکی پێست و جوانکاری بکات بۆ ئەوەی ھەم رێنمایی وەربگرێت، ھەم چارەسەر وەربگرێت لە رێگەی چارەسەرە پزیشکییەکانەوە".