مەودا میدیا-

بەپێی ئەو خشتەی وەزارەتی دارایی و ئابووری حکومەتی هەرێمی کوردستان بڵاویکردووەتەوە ئەم هەفتەیە مووچەی مانگی 2ی ئەمساڵی 26 شوێن دابەش دەکرێت.

بە دابەشکردنی مووچەی ئەم 26 شوێنە و مووچەی خانەنشینی دابەشکردنی مووچەی مانگی 2ی ئەمساڵ کۆتایی دێت، بەڵام لە خشتەکەدا کاتی دابەشکردنی مووچەی خانەنشینی دیاری نەکراوە.

بەپێی ئەو زانیاریانەی مەودا میدیا دەستیکەوتووە، بۆیە لە لیستەکەدا وادەی دابەشکردنی مووچەی خانەنشینی دیارینەکراوە، پێداچوونەوە بە لیستی مووچەکانیان دەکرێت و هەر لەم هەفتەیەدا مووچەی ئەوانیش دابەش دەکرێت و بەمەش کۆتایی بە دابەشکردنی مووچەی مانگی 2ی ئەمساڵ دێت.