مەودا میدیا-

گەورەبوون و دروستبوونی ورگ یەکێکە لەو نەخۆشیانەی کە مرۆڤەکان پێوەی دەناڵێنن هەندێک لەبەر تەندروستییان و هەندێک لەبەر ناشرینی و  تێکچوونی باڵایان
د.بینای کامەران، پسپۆری خۆرک باس لە هۆکارەکانی دروستبوونی چەوری ورگ و چارەسەرەکانی دەکات.

ئەمانە هۆکارن بۆ دروست بوونی چەوری ورگ و گەورەبوونی:
- خواردنی نان و سەمون و لەفە و شیرینی و میوە لە شەواندا.
- غازات و هەوکردنی ریخۆڵە و قەبزبوون.
- خواردنەوە گازیەکان و بیرە و ماستاو بە رێژەیەکی زۆر.
- قەلەقی و بیرکردنەوەی زۆر و شەوان درەنگ خەوتن.
خواردنی هەندێ دەرمان وەک حەپی زەخت و حەساسیەت و ئازار و حەپ و دەرزی مەنع.

 چون چەوری ورگ لادەدەیت:
- نەخواردنەوەی خواردنەوەگازیەکان و کەم کردنەوەی حەپ و دەرمان، گرنگیدان بە خواردنی خەیار و تەماتە و کاهو و کولەکە و چای سەوز و دارچینی و لیمۆ و زەنجەفیل و سرکەی سێو و سیر و رازیانە.
- وەرزش و رۆشتنی رۆژانە و مەلەکردن بە بەردەوامی.
- رێکخستنەوەی خەو و ئارام کردنەوەی مێشک.
- خواردنی ئاو بە بەردەوامی و نیو کاتژمێر پێش و دوای نان خواردن، نابێت لەکاتی نان خواردندا ئاو بخۆیتەوە.
- چارەسەرکردنی کێشەکانی ریخۆڵە و هەوکردن و قەبزی.