مەودا میدیا-

پاشای ئوردن رایدەگەیەنێت حکومەتی وڵاتەکەی توانی سەرکەوتووانە ڤایرۆسی کۆرۆنای کۆنتڕۆڵ بکات ئاماژەی بەوەشکردووە هەنگاوەکان دەستپێدەکەینەوە بە مەبەستی بوژاندنەوەی ئابووری.

شا عەبدوڵڵا، پاشای ئوردن رایگەیاند "سەرکەوتووانە لەگەڵ ڤایرۆسی کۆرۆنادا مامەڵەمان کرد و ئەمڕۆ دەتوانم ئاماژە بەوە بکەم کە کۆنتڕۆڵمان کردووە".

ئاماژە بەوەشدەکات "وەک هەر وڵاتێکی دیکەی ئەم سەر زەوییە باجی ئابوورییمان دا، بۆیە ئێستا کاتی ئەوە هاتووە سەرنج بخەینەوە سەر بارودۆخی ئابووری و هەنگاوەکانی بوژانەوەی ئابووری دەستپێبکەینەوە".

جێگای ئاماژەیە، بەپێی دواین ئامارەکان 1179  تووشبووی کۆرۆنا لە ئوردن تۆمارکراون، لەو ژمارەیە 10 کەسیان گیانیان لەدەستداوە و 997 کەسیان چاکبوونەتەوە و تەنیا 172 نەخۆش ماونەتەوە لەژێر چاودێری پزیشکدا.