مەودا میدیا-

سەرپەرشتیاری بەخاكسپاردانی مردووانی كۆرۆنا لە سلێمانی رایدەگەیەنێت، ئەمڕۆ دووشەممە، حەوت هەڵگری ڤایرۆسی كۆرۆنا گیانیان لە دەستداوە.

عەبدوڵا ئەحمەد، لە پەیجی تایبەتی خۆی لە تۆڕی كۆمەڵایەتی فەیسبوك بڵاویكردەوە "ئەمڕۆ حەوت هەڵگری ڤایرۆسی كۆرۆنا لە سلێمانی گیانیان لە دەستداوە".

باسی لەوەشكرد "چوار لەوانە خەڵكی ناوشاری سلێمانین و سیانەكەی تر خەڵكی دەرەوەی شارن، داواشی كرد هاوڵاتیان زیاتر پابەندی رێنماییەكان بن".