مەودا میدیا-

حەكیمێكی سلێمانی رایدەگەیەنێت، چارەسەری كۆرۆنای لایە و لە ماوەی رابردوودا زیاتر لە 300 تووشبووی كۆرۆنای به دەرمانە سروشتییەكەی چارسەركردووە كە لە ناویاندا پزیشك و بەرپرسی باڵا هەيە.

محەمەد حاجی عەلی، حەكیمی چارەسەری سروشتی لە سلێمانی بە مەودا میدیای راگەیاند "لە ماوەی رابردوو تێكەڵەیەكیان بەرهەمهێناوە لە گیای سروشتی كە بەهۆیەوە دەتوانرێت چارەسەری ڤایرۆسی كۆرۆنای پێ بكرێت و لە ماوەی رابردووشدا لەسەر تووشبووانی كۆرۆنا تاقیكراوەتەوە و سەد لە سەد چارەسەریان وەرگرتووە".

ئەوەشی خستەڕوو "ئەو دەرمانەی ئێمە بۆ هەناسەتوندییە، بەو پێیەی ئەوانەی تووشی ڤایرۆسەكە دەبن، بەشێكیان هەناسەتووندی قورسیان لەگەڵ و تووشی كێشەیان دەكات، تەنیا لە ماوەی كەمتر لە پێنج خولەك چارەسەری ئەو كێشەیە دەكات و چاكدەبنەوە".

وتیشی "لەسەرەتای بڵابوونەوەی كۆرۆنا ئەو دەرمانەمان بەرهەمهێناوە و تا ئێستا زیاتر لە 300 تووشبووی كۆرۆنا كە پزیشك و بەرپرسی باڵای تێدایە لای ئێمە ئەو دەرمانەیان بردووە بۆ چارەسەری كۆرۆناو چارەسەریان وەرگرتووە".