مەودا میدیا-

بەڕێوەبەرایەتی دەستەی گشتیی كەشناسی و بومەلەرزەزانی عیراق رایدەگەیەنێت كۆتایی ئەم هەفتەیە شەپۆلێكی گەرمای بەهێز روو لە عیراق و كوەیت دەكات و بۆ ماوەی چەند رۆژێک بەردەوام دەبێت.

لە بەیاننامەیەکدا بەڕێوەبەرایەتی دەستەی گشتیی كەشناسی و بومەلەرزەزانی عیراق رایگەیاند"لە رۆژانی 17، 18، 19 و 20ی ئەم مانگە هەریەك لە عێراق و كوەیت دەبن بە تەنووری جیهان و بەرزترین پلەی گەرما لەو رۆژانە لەسەر ئاستی جیهان لەم دوو وڵاتە تۆمار دەكرێن".

لە بەیاننامەکدا ئاماژەی بەوەشکراوە "پێشبینی دەكرێت پلەكانی گەرما لە عیراق لە نێوان 48 بۆ 51 بێت، هەروەها لەماوەی ئەو چەند رۆژەدا بەرزترین پلەكانی گەرما لە باشوور و باشووری رۆژهەڵاتی عیراق تۆمار دەكرێن".

س.س