مەودا میدیا-

راگەیاندن و پەیوەندییەکانی کۆمەڵگەی دەروازەی نێودەوڵەتیی حاجی ئۆمەران رایدەگەیەنێت دەستیان بەسەر زیاتر لە 25 کیلۆگرام زێڕدا گرتووە کە هەوڵدراوە بەشێوەی نایاسایی و بە قاچاخ بهێنرێتە هەرێمی کوردستان.

 

لە راگەیەندراوێکدا راگەیاندن و پەیوەندییەکانی کۆمەڵگەی دەروازەی حاجی ئۆمەراندا رایگەیاند "ئەمڕۆ سێشەممە 14ی تەممووزی 2020 "لە چالاکییەکی بێوێنەدا و لەکاتی پشکنینی بارهەڵگرێکدا دەستمان بەسەر 21 پارچە زێڕدا گرتووە، کە دەکاتە 25 کیلۆ و 400 گرام".

 

ئەوەشخراوەتەڕوو "زێڕەکە لەناو چەکمەجەی بارهەڵگرێکی عیراقیدا حەشاردرابوو، هەوڵدرابوو بەشێوەی نایاسایی و بە قاچاخ بهێنرێتە هەرێمی کوردستان، لەدوای دەستبەسەرداگرتن پەڕاوی لێکۆڵینەوەی بۆ کراوەتەوە و رەوانەی بەشی یاسایی گومرگی حاجی ئۆمەران کراوە بۆ وەرگرتنی رێکاری یاسایی و گومرگی".

س.س