مەودا میدیا-

کۆمپانیای گۆگڵ بڕیاریدا رێگە بە هیچ ماڵپەڕ و ئەپڵیکەیشنێک نادات هەواڵی تایبەت بە ڤایرۆسی کۆرۆنا بڵاوبکاتەوە کە ببێتە هۆی دروستبوونی ترس لای بەکارهێنەران.

کۆمپانیای ئەلفابێت کە بە کۆمپانیای دایکی گۆگڵ ئەژمار دەکرێت رایگەیاندووە "لە ئێستا بەدواوە رێگە بە هیچ ماڵپەڕ یان ئەپڵیکەیشنێک نادات هەواڵی تایبەت بە ڤایرۆسی کۆرۆنا بڵاوبکاتەوە، کە پێچەوانەی لێکۆڵینەوە زانستییەکان مەترسیی ڤایرۆسەکە زیاتر لە قەبارەی خۆی پێشانبدات".

 

لەگەڵ زیادبوونی ژمارەی تووشبووان بە ڤایرۆسی کۆرۆنا لە ئەمریکا، داوا لە کۆمپانیاکانی وەک گۆگڵ و فەیسبووک دەکرا بەوەی کە رێگەنەدەن ئەو رێکلامانە بڵاوبکەنەوە کە ناوەڕۆکی مەترسیداریان تێدایە و مەترسیی ڤایرۆسی کۆرۆنا زیاتر لە قەبارەی خۆی پێشاندەدەن.

س.س