مەودا میدیا-

وەزارەتی تەندروستی حكومەتی عیراق تووشبوونی زیاتر لە دوو هەزار هاوڵاتی بە ڤایرۆسی كۆرۆنا راگەیاند و نزیكەی دوو هەزاریش چاكبوونەتەوە، كە بەشێك لە چاكبووەكان لە شارەكانی هەرێمی كوردستانن.

لە راگەیەندراوێكی وەزارەتی تەندروستی هاتووە "لە ماوەی 24 كاتژمێری رابردوو لە شارەكانی عیراق زیاتر لە 15 هەزار و 220 پشكنین بۆ هاوڵاتیان كراوە و دوو هەزار و 29 كەس تووشی ڤایرۆسەكە بوون".

هەروەها "هەزار و 997 كەس لە ماوەی ئەو 24 كاتژمێرەدا چاكبوونەتەوە و گەڕاونەتەوە ماڵەوە كە بەشێك لە چاكبووەكان لە شارەكانی هەرێمی كوردستانن".

باس لەوەشكراوە "زۆرترین تووشبوو لە شاری بەغدا و نەجەف و بەسرەو شارەكانی تری عیراق بوو و ئامارەكانیش بەردەوام لە بەرزبوونەوەدان".

تا ئێستا لە عیراق زیاتر لە 90 هەزار هاوڵاتی تووشی كۆرۆنا بوون و زیاتر لە 58 هەزار كەس چاكبوونەتەوە و سێ هەزار و 691 كەسیش مردوون.

ه،ع