مەودا میدیا-

بەیانی ئەمڕۆ محەممەد جەواد زەریف، وەزیری دەرەوەی ئێران گەیشتە بەغدا و لەلایەن وەزیری دەرەوەی عیراق پێشوازی لێکرا، هەروەها بڕیارە لەگەڵ بەرپرسانی باڵای عیراق کۆبێتەوە

ئەمڕۆ کاتژمێر 8:00ی بەیانی محەممەد جەواد زەریف، وەزیری دەرەوەی ئێران گەیشتە فڕۆکەخانەی نێودەوڵەتیی بەغدا و لەلایەن فوئاد حوسێن، وەزیری دەرەوەی عێراقەوە پێشوازیی لێکرا.

 

بڕیارە کاژێر 8:30 لە باڵەخانەی وەزارەتی دەرەوەی عیراق کۆببنەوە و پاشان کۆنگرەیەکی رۆژنامەنووسی سازبکەن, هاوکات بڕیارە لە کاژێر 9:00 محەممەد جەواد زەریف لەگەڵ مستەفا کازمی، سەرۆک وەزیرانی عیراق کۆببێتەوە، پاشان بۆ کاتی نیوەڕۆ سەردانی بەرهەم ساڵح، سەرۆک کۆماری عیراق بکات و لەوێیش نیوەڕۆخوانێکی بۆ ئامادەکراوە.

 

پاشان وەزیری دەرەوەی ئێران سەردانی هەریەک لە سەرۆکی ئەنجومەنی دادەوەریی عیراق و محەممەد حەلبووسی، سەرۆکی پەرلەمان و فالح فەیاز دەکات و دوایین کۆبوونەوەشی لەگەڵ عەممار حەکیم دەبێت.

 

جێگای ئاماژەیە، ئەو سەردانەی وەزیری دەرەوەی ئێران لە کاتێکدایە سبەی مستەفا کازمی، سەرۆک وەزیرانی عیراق بە سەرۆکایەتی شاندێک دەگاتە سعودیە و چەندین رێککەوتننامە لەگەڵ ئەو وڵاتە ئیمزا دەکات.

س.س