مەودا میدیا-

بڕیارە ئەمڕۆ وه‌زیری ده‌ره‌وه‌ی كۆماری ئیسلامیی ئێران سەردانی هەولێر بکات به‌ مه‌به‌ستی گفتوگۆكردن له‌گه‌ڵ به‌رپرسانی هه‌رێمی كوردستان، ئەمەش دوای سەردانەکەی بەیانی ئەمڕۆی دێت بۆ شاری بەغدا.

بەپێی هەواڵی میدیاکانی ئێران، بڕیارە محه‌مه‌د جه‌واد زه‌ریف، وه‌زیری ده‌ره‌وه‌ی ئێران‌‌ دوانیوه‌ڕۆی ئه‌مڕۆ یه‌كشه‌ممه‌ سه‌ردانی هه‌ولێر بکات بە مەبەستی کۆبوونەوە لەگەڵ بەرپرسانی هەرێم.

ئەمەش دوای ئەوە دێت، به‌یانی ئه‌مڕۆ محه‌مه‌د جه‌واد زه‌ریف، وه‌زیری ده‌ره‌وه‌ی ئێران به‌ سه‌ردانێك گه‌یشته‌ به‌غدا و له‌گه‌ڵ وەزیری دەرەوەی عیراق كۆبووه‌ و بڕیاریشه‌ له‌گه‌ڵ سه‌رۆك كۆمار و سه‌رۆك وه‌زیرانی عیراق كۆببێته‌وه‌.