مەودا میدیا-

ئەمڕۆ یەكشەممە، نرخی نەوت لە بازاڕەكانی جیهان دابەزینی تۆماركرد و ماوەی چەند رۆژێكیش دەبێت نرخی نەوت لەو ئاستەدا بە جێگیری ماوەتەوە.

ئەمڕۆ نرخی یەك بەرمیل نەوتی جۆری برێنت بە 43 دۆلار و 12 سەنت مامەڵەی پێوەكراوە و زیاتر لە یەك هەفتەشە نرخی نەوتی برێنت لە 43 دۆلاردا بەرز و نزم دەكات، پێشتریش رێكخراوی ئۆپێك باسی لە سەقامگیری بازارى نەوت كردبوو.

هەروەها نرخی یەك بەرمیل نەوتی خاوی ئەمەریكی بە 40 دۆلار و 75 سەنت مامەڵەی پێوەكراوە و ئەو جۆرە بەشێوەیەكی كەم نرخەكەی بەرزبووەتەوە.

هەر دابەزین و بەرزبوونەوەیەك لە نرخی نەوت كاریگەری راستەوخۆی دەبێت لەسەر داهاتی عیراق و هەرێمی كوردستان، بەهۆی ئەوەی تەنها پشت بە داهاتی نەوت دەبەستن.

ه،ع