مەودا میدیا-

بەهۆی رووداوێكی هاتوچۆ لەسەر  رێگای دەربەندیخان بۆ سلێمانی لە ئەنجامدا پێنج ئەندامی یەك خێزان برینداربوون و رەوانەی نەخۆشخانەی سلێمانی كراون.

سیروان عەلی، بەڕێوەبەری هاتوچۆی وارماوا بە مەودا میدیای راگەیاند "رووداوەكە لەسەر رێگای دەربەندیخان بۆ سلێمانی بووە لە نزیك كۆمەڵگەی نەسر، لە نێوان ئۆتۆمبێلێك و ماتۆڕێك".

باسی لەوەشكرد "ئۆتۆمبێلەكە جۆری نیسان تیدا و ماتۆڕێكی سێ تایە روویدایە و سەرجەم سەرنشینانی ماتۆڕەكە برینداربوون كە ئەندامانی یەك خێزان بوون و خەڵكی قەزای سەیدسادقن".

ئەوەشی خستەڕوو "بریندارەكان رەوانەی نەخۆشخانەی سلێمانی كراون بۆ وەرگرتنی چارەسەر و لێكۆڵینەوە لە رووداوەكە دەستی پێكردووە بۆ زانینی هۆكاری رووداوەكە".

رێگای دەربەندیخان بۆ سلێمانی یەكێكە لەو رێگایانەی كە ساڵانە بە دەیان هاوڵاتی تێیدا بەهۆی رووداوی هاتوچۆ گیان لە دەستدەدەن و بە سەدانیش برینداردەبن.

ه،ع