مەودا میدیا-

وەزیری تەندروستیی حکومەتی هەرێمی کوردستان رایدەگەیەنێت، ھەرێمی كوردستان لە لووتكەی ھەڵكشانی ڤایرۆسی كۆرۆنادایە، ئاماژەی بەوەشکرد مردن لە ھەرێمی كوردستان بە كۆرۆنا رێژەكەی 3.4%.

د. سامان بەرزنجی، وەزیری تەندروستی حكومەتی ھەرێمی كوردستان، لە كۆنفرانسێكی رۆژنامەوانیدا رایگەیاند "دۆخەكە مەترسیدارە و ھەرێمی كوردستان لە لوتكەی ھەڵكشانی ڤایرۆسی كۆرۆنادایە".

وەزیری تەندروستی لەبارەی رێژەی مردووانی کۆرۆنا لە هەرێم ئاماژەی بەوەکرد "مردن لە ھەرێمی كوردستان بە كۆرۆنا رێژەكەی 3.4%، تاكە چارەسەر خۆپارێزی ھاوڵاتییانە و پێویستە ھاوڵاتییان ئارامیان ھەبێت و خۆیان رابھێنن لەسەر خۆپارێزی تا دۆخی كۆرۆناباش دەبێت".

س.س