مەودا میدیا-

بەڕێوەبەری چاودێری گەشەپێدانى كۆمەڵایەتی پارێزگای سلێمانی رایدەگەیەنێت، یەك هەفتە مۆڵەت ماوە بۆ پڕكردنەوەی فۆڕمی هاوكاری بەسەر خێزانە كەمدەرامەتەكان و هەر یەكەیان بڕی 100 هەزار دیناری پێدەدرێت.

عومەر گوڵپی، بەڕێوەبەری چاودێری گەشەپێدانی كۆمەڵایەتی پارێزگای سلێمانی بە مەودا میدیای راگەیاند "لە سنوری پارێزگای سلێمانی زیاتر لە 30 هەزار فۆڕم پڕكراوەتەوە لە لایەن خێزانەكەكانەوە".

ئەوەشی خستەڕوو "پشكی پارێزگای سلێمانی 40 هەزار فۆڕمە و ئەوانەی فۆڕم پڕدەكەنەوە دەبێت مەرجەكان بیانگرێتەوە، نابێت مووچەكەی لە 400 هەزار دینار زیاتر بێت و شایستەبێت".

وتیشی "بۆ هەر خێزانێك بڕی 100 هەزار دیناریان پێدەدەین و تا 27 ئەم مانگە مۆڵەت هەیە بۆ پڕكردنەوەی فۆڕم و دابەشكردنی پارەكەش دەكەوێتە دوای جەژنی قوربان".

ه،ع