مەودا میدیا-

قایمقامیەتی قەزای سەیدسادقی سەر بە پارێزگای سلێمانی رایدەگەیەنێت، بەهۆی رووداوێكی هاتوچۆ لە نێوان ئۆتۆمبێلێك و ماتۆڕێكدا، شۆفێری ماتۆڕەكە گیانی لە دەستداوە.

لە راگەیەندراوێكدا هاتووە "درەنگانی شەوی رابردوو ته‌رمی گەنجێکی تەمەن  23 ساڵ به‌ناوی (م.ع.م ) لە رێگای سه‌رەکی سیدسادق - هه‌ڵه‌بجه‌ له‌نزیک گوندی مه‌سته‌کان كه به‌ هۆی رووداوی هاتوچۆ له‌ نێوان ماتۆڕسکیل و ئۆتۆمبێلێك رووی دابوو،گەیەنرايە بەشی فریاکەوتنی نەخۆشخانەی شەهید شەوکەت".

باس لەوەشكراوە " گەنجەکە كە شۆفێری ماتۆڕەكە بووە، به‌هۆی سه‌ختی برینه‌که‌ی گیانی له‌ ده‌ستدابوو، ناوبراو‌ دانیشتووی قه‌زای سیدسادق بووە".
    
ه،ع