مەودا میدیا-

فراكسیۆنی بزووتنەوەی گۆڕان لە پەرلەمانی كوردستان لە بەیاننامەیەكدا باس لەوە دەكات چەندینجار داوای دانیشتنی پەرلەمانیان كردووە لەسەر پرسە گرنگەكان و دەشڵێت، داوامان كردووە پەرلەمان لەسەر پرسی مووچە و گوزەرانی خراپی هاوڵاتیان كۆببێتەوە.

بەیاننامەیەک بۆ رایگشتی

ئێمە لە فراکسیۆنی گۆران دوای ئاراستەکردنی چەندین داوای دانیشتن و بەدواداچونی ورد بۆ پرسە گرنگ و هەستیارەکان کە بەرۆکی خەڵکی کوردستانی گرتوە بەتایبەت:

١. پرسی دۆخی دارایی و موچەی موچەخۆرانی هەرێم کە گوزەرانی خەڵک بەدۆخێکی خراپدا تێدەپەرێت

٢.پرسی خاڵە سنوریەکان ئەو قاچاخچێتی و گەندەڵکاریانەی تیایدا ئەنجام دەدرێت لەلایەن بەرپرسانەوە

٣.چاکسازی لە داهاتە نەوتی و غەیرە نەوتیەکان بە دەرچواندنی یاسای چاکسازی گشتگیرو هەمەلایەنە

٤.پرسی ناوچە سنوریەکان لەشکرکێشی وداگیرکاریەکانی تورکیاو وتۆپبارانەکانی ئێران ودۆخی خراپی  ناوچە دابڕێندراوەکان.

ئێستا کە کوردستان بە دۆخێکی ئاڵۆزدا تێپەردەبێت و پێویستمان بە کارکردنە لەسەر ئاستی نیشتیمانی و چاکسازی بنەرەتی کە دەبێت پەرلەمانێکی کارا ئەم رۆڵ و ئەرکە ببینێ وشوێنی چارەسەر کێشەکان بێت . بەڵام بەداخەوە ئاراستەی کارکردنی دەستەی سەرۆکایەتی بە ئاراستەی پەکخستنی دانیشتنەکانی پەرلەمان و تێکەڵکردنی پەرلەمانی کوردستانە بە ململانێی ناشرینی حیزبەکان کە پێمان وایە بەرپرسی یەکەم لە پەکخستن و کارانەبونی پەرلەمان دەستەی سەرۆکایەت پەرلەمانە.

پێویستە تەواوی فراکسیۆنەکانی پەرلەمان هەماهەنگ بن و فشار بکەن بۆ دەستپێکردنەوەی دانیشتنەکانی پەرلەمان تایبەت بە کێشەکانی خەڵکی کوردستان.

فراکسیۆنی گۆران 
٢١ تەموزی ٢٠٢٠