مەودا میدیا-

بەڕێوەبەرایەتی بەشە ناوخۆییەكانی كەمپی نوێی زانكۆی سلێمانی داوا لە خوێندكارانی بەشە ناوخۆیی دەكات بەزووترین كات پەیوەندییان پێوە بكەن بۆ بردنەوەی كەلوپەلەكانیان.

لە ئاگادارییەكی بەشە ناوخۆیی كەمپی نوێی زانكۆی سلێمانی هاتووە "داوا دەكەین خوێندكارانی بەشەناوخۆیی كوڕان، هەر خوێندكارێك كەلوپەلی لە بەشەناوخییەكان ماوە و پێویستییەتی و دەیەوێت بیباتەوە، بە زووترین كات ناوی سیانی و ژمارەی مۆبایلەكەیی و ناوی تەلار و ئەو ژوورەی لە بەشەناوخۆیی تێیدا نیشتەجێبووە، بە نامە بنێرێت پەیجی بەشە ناوخۆییەكان".

ئەمساڵ بەهۆی راگرتنی دەوامی زانكۆ لەبەر نەخۆشی ڤایرۆسی كۆرۆنا، لە مانگی شوباتەوە خوێندكاران لە دەوام دابڕان و بەشی زۆری خوێندكارانی بەشە ناوخۆیی كەلوپەلەكانیان لە بەشە ناوخۆییەكان وەرنەگرتووەتەوە.

ه،ع