مەودا میدیا-

 پارێزگاری دهۆک رایدەگەیەنێت لە رۆژانی جەژندا قەدەغەی هاتووچۆ راناگەیەنین، ئاماژەی بەوەشکرد هەر کەسێک کاری گرنگی هەیە دەتوانێت لە رێگەی دەروازەی نێودەوڵەتی ئیبراهیم خەلیل بەپێی رێنماییە تەندروستییەکان بچێتە تورکیا.

عەلی تەتەر، پارێزگاری دهۆک لە کۆنگرەیەکی رۆژنامەوانیدا رایگەیاند "لە رۆژانی جەژندا قەدەغەی هاتوچۆ راناگەیەنین، بەڵام هیوادارین وەک ساڵانی دیکە هەندێک رێوڕەسم لە رۆژانی جەژندا بەڕێوەنەچێت".

ئاماژەی بەوەشکرد "تاوەکو ئێستا بڕیار نەدراوە لە ئەنجامدانی نوێژی جەژن لە مزگەوتەکان، هەروەها هاتووچۆکردن لە نێوان پارێزگاکانی هەرێم لەرێگەی فۆڕمی ئەلکترۆنییەوە دەبێت".

عەلی تەتەر وتی "هەر کەسێک کاری گرنگی هەیە دەتوانێت لە رێگەی دەروازەی نێودەوڵەتی ئیبراهیم خەلیل بەپێی رێنماییە تەندروستییەکان بچێتە تورکیا، هەروەها ئەو کەسانەی دێنەوە لە تورکیا رێکاری تەندروستی پێویستییان بۆ دەگیرێتەبەر".

س.س