مەودا میدیا-

تەندروستیی گەرمیان دوای بڵاوبونەوەی وێنەیەک کە لە مەڵبەندی تەندروستی سەرەکی کفری ئۆتۆمبیلێکی فەرمی بەکاردەھێنرێت بۆ گواستنەوەی کەرەستەی بیناسازی راگەیەندراوێکی بڵاوکردەوە.

بەڕیوەبەرایەتی تەندروستیی گەرمیان رایگەیاند "دوای بڵاوبونەوەی وێنەیەک کە لە مەڵبەندی تەندروستی سەرەکی کفری ئۆتۆمبیلێکی فەرمی بەکاردەھێنرێت بۆ گواستنەوەی کەرەستەی بیناسازی، دەستبەجێ لەلایەن بەڕێوبەری گشتیەوە بەدواداچون کرا و بڕیاردرا بە دەرکردنی سزای ئاگادارکردنەوە بۆ بەڕێوەبەری مەڵبەندەکە".

ئاماژە بەوەشکراوە "سزای 5 رۆژ موچە بڕین بۆ ئەو شۆفێرەی ئەو کارەی کردووە، ھاوکات لێپێچینەوەی دیکە لەوبارەوە دەکرێت لەسەر بنەمای لێکۆڵینەوەی زیاتر". 

س.س