کوردستانی
محەمەد حەكیم: خۆشحاڵم ئایە سۆفیا كرایەوە مزگەوت
مەودا میدیا - سلێمانی |
مەودا میدیا-
كارگێڕی ئەنجومەنی سیاسی كۆمەڵی ئیسلامیی كوردستان دەڵێت لەكاتی كۆبوونەوەیان لەگەڵ شاندی پارتی یەكێتیی دیموكراتی گەلان "پەیەدە" دوو ئامۆژگارییان پێشكەش بە نوێنەرانی ئەو حزبە كردووە، ئەوەش دەڵێت خۆشحاڵم كە مۆزەخانەی ئایە سۆفیا كرایەوە مزگەوت و ئەوەش پەیوەندی بە رەجەب تەیب ئەردۆغانەوە نییە.
محەمەد حەكیم، كارگێڕی ئەنجومەنی سیاسی كۆمەڵی ئیسلامیی كوردستان لە لاپەڕەی تایبەتی خۆی لە تۆڕی كۆمەڵایەتیی فەیسبووك نووسیویەتی "ئێمە كە لەگەڵ ئێوە و نوێنەرانی كەجەكە كۆدەبینەوە، زۆر گوێم لە دوو چەمك دەبێت، بەردەوام دەیگێڕنەوە بەجۆرێك لە رق و قینەوە نزیكە، بۆیە پێم باشە لە سەركردایەتیی خۆتانەوە هەوڵی راستكردنەوەی بدەن".
حەكیم ئاماژگارییەكانی روونتركردووەتەوە و نووسیویەتی "ئەوەندە مەڵێن تورك، بڵێن رژێمی توركیا، چونكە ئێمە لە خەباتی رزگاریخوازی گەلی كورد لە باشوور، لەوەدا سەركەوتوو بووین كە دەمانووت رژێمی عیراق و نەماندەوت عەرەب".
سەبارەت بە ئامۆژگاری دووەمی محەمەد حەكیم بۆ پەیەدە نووسیویەتی "كە باسی ئەردۆغان دەكەن، زۆر جار باسێكی عوسمانلی هاوپێچ دەكەن لەمەش وریابن كە باسی عوسمانلی نەكەن، چونكە ئەوە هەر رەهەندی توركی نییە و رەهەندێكی ئیسلامیشی هەیە و باس لە شەش سەدە حوكمڕانی و 36 سوڵتانە كە سەردەمی ئەم خیلافەتەش وەكو ئەوانی پێشوو لە نەزەری موسڵمانان چاكەیان هەیە و خراپەشیان بووە".
ئەو بەرپرسەی كۆمەڵی ئیسلامیی كوردستان بۆنەی بە مزگەوتكردنی مۆزەخانەی ئایە سۆفیای كردووەتە دەرفەت و رووی دەمی كردووەتە كوردە نەتەوەپەرستەكان و نووسیویەتی "لێرەشەوە رووی قسەم دەكەمە هەموو كوردێكی ناسیۆنالیستی توندڕەو، چاوەڕێ مەبە من بەدڵی تۆ بابەت و قسە و پۆست بكەم. من بەڵێ كوردم، بەڵام ئیسلامیم، شوێنێك لە وڵاتێكی ئیسلامی 481 ساڵ مزگەوت بووە، ئەتاتوركی عەلمانی دژە ئیسلام و كورد چۆن زمان و جلی كوردی قەدەغەكرد، بەهەمانشێوە لە ساڵی 1935 ئەم مزگەوتەی كردە مۆزەخانە و دەیان ساڵە چەندین رێكخراو سكاڵایان كردووە و هەوڵیان داوە كە بگەڕێتەوە وەك مزگەوت، ئێستا كە گەڕاوەتەوە، من وەك مسوڵمان خۆشحاڵم و خۆشحاڵیم پەیوەندی بە ئەردۆغانەوە نییە، جا گەر ئایە سۆفیا لە توركیا بێت یا لە رووسیا بێت یا لە ئەمەریكا هەر دڵم پێخۆشە و خۆشحاڵی دەردەبڕم، خۆ نایەم لەبەر دڵی تۆیەك كە ناسیۆنالیستی كوردیت، من هیچ خۆشحاڵی دەرنەبڕم و چاوەڕێ بیت بەردەوام جنێو بە عەرەب و تورك بدەم، ئەوا نابێت، چونكە كوردایەتی من سنووردارە بە ئیسلامەتییەكەم و من دژی زوڵمم هەر كەس بیكاتە سەر میللەتەكەم، بەداخەوە لە هەر چوار پارچەكەی كوردستان هەندێكجار میللەتی كورد ئەوەندە بەدەستی كورد خۆی چەوساوەتەوە، بەدەست دوژمنانی كورد نەچەوساوەتەوە".
خ.غ
كارگێڕی ئەنجومەنی سیاسی كۆمەڵی ئیسلامیی كوردستان دەڵێت لەكاتی كۆبوونەوەیان لەگەڵ شاندی پارتی یەكێتیی دیموكراتی گەلان "پەیەدە" دوو ئامۆژگارییان پێشكەش بە نوێنەرانی ئەو حزبە كردووە، ئەوەش دەڵێت خۆشحاڵم كە مۆزەخانەی ئایە سۆفیا كرایەوە مزگەوت و ئەوەش پەیوەندی بە رەجەب تەیب ئەردۆغانەوە نییە.
محەمەد حەكیم، كارگێڕی ئەنجومەنی سیاسی كۆمەڵی ئیسلامیی كوردستان لە لاپەڕەی تایبەتی خۆی لە تۆڕی كۆمەڵایەتیی فەیسبووك نووسیویەتی "ئێمە كە لەگەڵ ئێوە و نوێنەرانی كەجەكە كۆدەبینەوە، زۆر گوێم لە دوو چەمك دەبێت، بەردەوام دەیگێڕنەوە بەجۆرێك لە رق و قینەوە نزیكە، بۆیە پێم باشە لە سەركردایەتیی خۆتانەوە هەوڵی راستكردنەوەی بدەن".
حەكیم ئاماژگارییەكانی روونتركردووەتەوە و نووسیویەتی "ئەوەندە مەڵێن تورك، بڵێن رژێمی توركیا، چونكە ئێمە لە خەباتی رزگاریخوازی گەلی كورد لە باشوور، لەوەدا سەركەوتوو بووین كە دەمانووت رژێمی عیراق و نەماندەوت عەرەب".
سەبارەت بە ئامۆژگاری دووەمی محەمەد حەكیم بۆ پەیەدە نووسیویەتی "كە باسی ئەردۆغان دەكەن، زۆر جار باسێكی عوسمانلی هاوپێچ دەكەن لەمەش وریابن كە باسی عوسمانلی نەكەن، چونكە ئەوە هەر رەهەندی توركی نییە و رەهەندێكی ئیسلامیشی هەیە و باس لە شەش سەدە حوكمڕانی و 36 سوڵتانە كە سەردەمی ئەم خیلافەتەش وەكو ئەوانی پێشوو لە نەزەری موسڵمانان چاكەیان هەیە و خراپەشیان بووە".
ئەو بەرپرسەی كۆمەڵی ئیسلامیی كوردستان بۆنەی بە مزگەوتكردنی مۆزەخانەی ئایە سۆفیای كردووەتە دەرفەت و رووی دەمی كردووەتە كوردە نەتەوەپەرستەكان و نووسیویەتی "لێرەشەوە رووی قسەم دەكەمە هەموو كوردێكی ناسیۆنالیستی توندڕەو، چاوەڕێ مەبە من بەدڵی تۆ بابەت و قسە و پۆست بكەم. من بەڵێ كوردم، بەڵام ئیسلامیم، شوێنێك لە وڵاتێكی ئیسلامی 481 ساڵ مزگەوت بووە، ئەتاتوركی عەلمانی دژە ئیسلام و كورد چۆن زمان و جلی كوردی قەدەغەكرد، بەهەمانشێوە لە ساڵی 1935 ئەم مزگەوتەی كردە مۆزەخانە و دەیان ساڵە چەندین رێكخراو سكاڵایان كردووە و هەوڵیان داوە كە بگەڕێتەوە وەك مزگەوت، ئێستا كە گەڕاوەتەوە، من وەك مسوڵمان خۆشحاڵم و خۆشحاڵیم پەیوەندی بە ئەردۆغانەوە نییە، جا گەر ئایە سۆفیا لە توركیا بێت یا لە رووسیا بێت یا لە ئەمەریكا هەر دڵم پێخۆشە و خۆشحاڵی دەردەبڕم، خۆ نایەم لەبەر دڵی تۆیەك كە ناسیۆنالیستی كوردیت، من هیچ خۆشحاڵی دەرنەبڕم و چاوەڕێ بیت بەردەوام جنێو بە عەرەب و تورك بدەم، ئەوا نابێت، چونكە كوردایەتی من سنووردارە بە ئیسلامەتییەكەم و من دژی زوڵمم هەر كەس بیكاتە سەر میللەتەكەم، بەداخەوە لە هەر چوار پارچەكەی كوردستان هەندێكجار میللەتی كورد ئەوەندە بەدەستی كورد خۆی چەوساوەتەوە، بەدەست دوژمنانی كورد نەچەوساوەتەوە".
خ.غ
بیروڕا
