مه‌ودا میدیا-

ئاژانسی هه‌واڵی رۆیته‌رز رایدەگەیەنێت ئه‌مریكا ئاماده‌نیه‌ ڤیزابدات به‌ وه‌زیری ده‌ره‌وه‌ی ئێران بۆ به‌شداریکردن له‌ كۆبوونه‌وه‌ی ئه‌نجومه‌نی ئاسایش .

ئاژانسی هه‌واڵی رۆیته‌رز له‌ زاری به‌رپرسێكی ئه‌مریكییه‌وه‌ رایگه‌یاندووه‌ "وڵاته‌كه‌ی ئاماده‌نیه‌ ڤیزا بدات به‌ محه‌مه‌د جه‌واد زه‌ریف وه‌زیری ده‌ره‌وه‌ی ئێران به‌مه‌به‌ستی به‌شداریكردن له‌ كۆبوونه‌وه‌ی ئه‌نجومه‌نی ئاسایش، كه‌ بڕیاره‌  رۆژی پێنجشه‌ممه‌ی داهاتوو به‌ڕێوه‌بچێت".

كۆبوونه‌وه‌ی رۆژی پێنجشه‌ممه‌ی داهاتوو یه‌كه‌م كۆبوونه‌وه‌ی دوای رووداوی كوشتنی قاسم سوله‌یمانی و مه‌هدی موهه‌ندیسه‌ له‌لایه‌ن ئه‌مریكاوه‌، ئه‌وه‌ش له‌كاتێكدایه‌ نوێنه‌ری عیراق له‌ نه‌ته‌وه‌یه‌كگرتووه‌كان داوای له‌ ئه‌نجومه‌نی ئاسایش كرد ئیدانه‌ی ئه‌و رووداوه‌ بكات.