مەودا میدیا- سەركۆ جەمال

 بەیانی ئەمڕۆ هەینی (14ی ئابی 2020)  نرخی نەوت لە بازاڕەكاندا نزم بووەوە، دوای ئەوەی دوێنێ نرخەكەی بەشێوەیەكی بەرچاو بەرزبووەوە
دوێنێ، نرخی نەوتی برێنت گەیشتە  45 دۆلار و 26 سەنت، نرخی نەوتی خاوی ئەمەریكیش  گەیشتە  42 دۆلار و 57 سەنت.

بەڵام ئەمڕۆ هەینی، نرخی یەك بەرمیل نەوتی خاوی برێنت، لە بازاڕەكانی جیهاندا بە (45) دۆلار و (12) سەنت مامەڵەی پێوەكرا، هەروەها نرخی بەرمیلێك نەوتی خاوی ئەمەریكیش بە (42) دۆلار و (37) سەنت فرۆشراوە.

شارەزایانی بواری نەوت پێیان وایە، بەهۆی ئاسایی بوونەوەی دۆخی كۆرۆنا لە بەشێك لە وڵاتان و بەردەوامی رێككەوتنی نێوان وڵاتانی ئۆپیك پڵەس، نرخی نەوت تا ماوەیەك بە جێگیری دەمێنێتەوە.