مەودا میدیا- سەركۆ جەمال

سەرچاوەیەكی بەرپرسی ئەمەریكا بە رۆیتەرزی راگەیاندووە "چوار كەشتیی ئێرانی كە سوتەمەنی و بەنزینیان هەڵگرتووە بەرەو فەنزوێلا، لەلایەن ئەمەریكاوە دەستیان بەسەرداگیراوە و بەرەو ئەمەریكا بەرێكراون.

میدیاكانی جیهان باس لەوە دەكەن، ئێران ماوەی چەند مانگێكە لە رێگەی فەنزوێلاوە سوتەمەنی و بەنزین دەفرۆشێت، ئەمەریكاش سزای ئەو وڵاتانە  دەدات كە راستەوخۆ مامەڵەی ئابووریی و نەوت لەگەڵ ئێران ئەنجام دەدەن.

سەرچاوەكەی حكومەتی ئەمەریكا دەڵێت "كەشتیوانەكان دەستبەسەر كراون و لێكۆڵینەوەیان لەگەڵدا دەكرێت و كەشتیەكانیش رووە و ئەمەریكا بەرێكەوتوون، بەڵام تائێستا ئێران و هیچ لایەنێك خۆی نەكردووە بە خاوەنی ئەو كەشتییانە.