مەودا میدیا-

بەڕێوەبەرایەتیی پۆلیسی پارێزگای سلێمانی ئاشکرای کرد له‌سه‌ر دۆسیه‌ی‌ گیانله‌ده‌ستدانی‌ سێ‌ كه‌س مه‌فره‌زه‌كانی‌ به‌شی‌ پۆلیسی‌ پێنجوێن پێنج تۆمه‌تباریان ده‌ستگیركرد

لە راگەیەندراوەکەدا هاتووە "رۆژی‌ 16/7/2020 كه‌سێك به‌ناوی‌ (م ، ع ، ڕ ) ته‌مه‌ن 19 ساڵان له‌قه‌زای‌ پێنجوێن كوژرا، ده‌ستبه‌جێ‌ هێزه‌كانی‌ پۆلیس و تیمی‌ به‌شی‌ پۆلیسی‌ به‌ڵگه‌ی‌ تاوان گه‌یشتنه‌ شوێنی‌ رِوداوه‌كه‌و لێكۆڵینه‌وه‌كان ده‌ستیپێكردو به‌برِیاری‌ دادوه‌ر تۆمه‌تبار (س ، ع ، ع ) ی‌ ته‌مه‌ن 19 ساڵان ده‌ستگیركرا و له‌كاتی‌ گرتنیشیدا ده‌ستگیرا به‌سه‌ر چه‌كێكی‌ جۆری‌ كڵاشینكۆفدا".

له‌سه‌ر رووداوه‌كه‌ لێكۆڵینه‌وه‌كانی‌ پۆلیس به‌رده‌وام بوو، رِۆژی‌ 24/8/2020 سێ تۆمه‌تباری‌ تر به‌ناوه‌كانی‌ :

-خ ، م ، ع ته‌مه‌ن 29 ساڵان

-ب ، م ، ح ته‌مه‌ن 26 ساڵان

-س ، ع ، ع ته‌مه‌ن 24 ساڵان كه‌ سه‌رجه‌میان دانیشتووی‌ قه‌زای‌ پێنجوێنن ، بەب‌ڕیاری‌ دادوه‌ر ده‌ستگیركران، له‌ئێستادا تۆمه‌تباران به‌پێی‌ ماده‌ی‌ 405 له‌یاسای‌ سزادانی‌ عیراقی‌ راگیراون.

ئەوەشخراوەتەڕوو "له‌سه‌ر دۆسیه‌ی‌ گیانله‌ده‌ستدانی‌ 2 كه‌سی‌ تر مه‌فره‌كانی‌ به‌شی‌ پۆلیسی‌ پێنجوێن تۆمه‌تبارێكیان ده‌ستگیركرد، کە لە رۆژی‌ 8/24/ 2020 سه‌عات 4ی‌ سه‌رله‌به‌یانی‌ له‌سه‌ر رِێگای‌ گه‌رمك – پێنجوێن رِوداوێكی‌ هاتووچۆ رویدا و ئۆتۆمبێلێك خۆی‌ كێشا به‌ماتۆرِسكیلێكداو بووه‌ هۆی گیانله‌ده‌ستدانی‌ شۆفێری‌ ماتۆرسكیله‌كه‌و سه‌رنشینێك له‌گه‌ڵیداو تۆمه‌تبار هه‌ڵات، پۆلیس لێكۆڵیه‌وه‌كانی‌ ده‌ستپێكرد و توانرا له‌ماوه‌یه‌كی‌ كه‌مدا كه‌ تۆمه‌تبار خۆی‌ حه‌شاردابوو، بدۆزرێته‌وه‌و ده‌ستگیربكرێت و ده‌ستیش بگیرێت به‌سه‌ر ئۆتۆمبێله‌كه‌یدا، له‌ئێستادا تۆمه‌تبار (د ، ج ، ع ) ته‌مه‌ن 20ساڵ  دانیشتوی‌ قه‌زای‌ پێنجوێن به‌برِیاری‌ به‌رِێز دادوه‌ر راگیراوه‌".

س.س