مەودا میدیا- 

بەڕێوەبەرایەتی ھاتوچۆی ھەولێر لە راگەیەندراوێكدا شوفێر و ھاوڵاتییان ئاگادار دەكاتەوە بەھۆی ئاساییكردنەوەی دەوام و لەپێناو ئاسانكاری بۆ ئەو كەسانەی بەمەبەستی نوێكردنەوەی مۆڵەت و ساڵیانەی ئۆتۆمبێل روو دەكەن بەڕێوەبەرایەتییەكەیان، لە ئەمڕۆوە نۆرەی  (سرەی) ئۆنلاین رادەگیرێت.

لە راگەیەندراوەکەدا هاتووە  "سه‌رجه‌م شوفێران و هاووڵاتیان ئاگادار ده‌كه‌ینه‌وه‌ له‌به‌ر ئاسایی بوونه‌وه‌ی كاره‌كان له‌ به‌ڕێوه‌به‌رایه‌تی هاتوچۆی هه‌ولێر و بۆ ئاسانكاری هاوڵاتییان به‌تایبه‌تی ئه‌وانه‌ی كه‌ له ‌شاره‌كانی دیكە هه‌رێم یان له ‌ناوه‌ڕاست و خواروی عیراقه‌وه‌، بۆ تۆمار كردن یان تازه‌ كردنه‌وه‌ی مۆڵه‌ت یان ساڵیانه‌كانیان دێن، بڕیارماندا به‌ هه‌ڵگرتنی وه‌رگرتنی سره‌ به ‌ئۆنلاین و ‌هاوڵاتییان".

ئاماژە بەوەشکراوە "ئه‌مرۆوه‌ به‌بێ وه‌رگرتنی سره‌ی ئه‌لیكترۆنی له‌ماوه‌ی ده‌وامی فه‌رمی ده‌توانن سه‌ردانی به‌ڕێوه‌به‌رایه‌تی و به‌شه‌كانی بكه‌ن بۆ راییكردنی مامه‌ڵه‌كانیان".

س.س