مه‌ودا میدیا-

نوێنه‌ری عه‌لی سیستانی، مه‌رجه‌عی باڵای شیعه‌كانی عیراق داوا له‌ لایه‌نه‌كان ده‌كات هه‌ست به‌ مه‌ترسییه‌كانی قۆناغه‌كه‌ بكه‌ن و له‌ ئاستی به‌رپرسیارێتیدابن ئه‌وه‌ش ده‌خاته‌ روو تا قه‌یرانه‌كه‌ ئاڵۆزتربێت رێگه‌ چاره‌سه‌ره‌كان قورستر ده‌بن.

شێخ ئه‌حمه‌د سافی، وتار بێژی حوسێنیه‌ی نه‌جه‌ف و نوێنه‌ری عه‌لی سیستانی، مه‌رجه‌عی باڵای شیعه‌ له‌ عیراق له‌وتاری هه‌ینیدا رایگه‌یاند" قۆناغه‌كه‌ ئاڵۆزه‌ و پێویسته‌ لایه‌نه‌كان به‌رپرسیارانه‌ مامه‌ڵه‌ بكه‌ن و هه‌ماهه‌نگ بن بۆ چاره‌سه‌ركردنی قه‌یرانه‌كه‌".

نوێنه‌ری عه‌لی سیستانی، وتی" به‌هۆی رووداوه‌كانی ئه‌م چه‌ند رۆژه‌ی رابردوو به‌ روونی ده‌ركه‌وت كه‌ سه‌روه‌ری عیراق پێشێلكراوه‌ و ده‌سه‌ڵات لاوازه‌ و ئه‌گه‌ر كێشه‌كان هه‌ر به‌رده‌وام بن ده‌رفه‌ت زیاتر ده‌بێت  بۆ ده‌ستوه‌ردانی ده‌ره‌كی".